Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Spirum / Banda de Gaites Villa de Xixón

Spirum
Sábado 13 de enero, 20.30h - MÚSICA
Duración aprox. 90'

A mediaos del mes d’ochobre de 1895 un barcu a vapor remolcaba hasta la desembocadura del Ríu Piles de Xixón una ballena rorcual muerta d’alredor de 22 metros que causó sensación na sociedá xixonesa.
 
SPIRUM nun ye namás un guapu conxuntu de cantares agrupaos, ye una convidada a viaxar percorriendo l’Atlánticu siguiendo’l camín qu’aquella ballena pudo percorrer pa morrer nes costes d’Asturies. Porque quiciabes aquella ballena yá tuviera per equí, y… ¿sedría muncho imaxinar, que camentando yá’l final de la so vida, y recordando la guapa costa de Xixón, la ballena quixere venir a finar equí los sos díes?
 
Butaca y Entresuelo: 8€ / General: 5€
A mediaos del mes d’ochobre de 1895 un barcu a vapor remolcaba hasta la desembocadura del Ríu Piles de Xixón una ballena rorcual muerta d’alredor de 22 metros que causó sensación na sociedá xixonesa. Xente de toles condiciones desplazóse caminando o en carru del país hasta aquel llugar pa ver la ballena dende la pasarela pal pasu a pie que cruciaba entós el ríu, tal y como cuenten les cróniques periodístiques d’aquellos díes.
Naquel llugar, conocíu daquella como La Salmoriera, y a lo llargo de seis díes, entamóse una verdadera romería que tuvo importante sonadía. Paez que ye d’esti tiempu y d’esti fechu que vien la espresión playa de mandar a quien cafia o repuna muncho “a ver la ballena”. Lo que pue ayudar a faenos una idea de la importancia que tuvo aquel accidental final de la ballena nes costes de Xixón.
SPIRUM nun ye namás un guapu conxuntu de cantares agrupaos, ye una convidada a viaxar percorriendo l’Atlánticu siguiendo’l camín qu’aquella ballena pudo percorrer pa morrer nes costes d’Asturies. Porque quiciabes aquella ballena yá tuviera per equí, y… ¿sedría muncho imaxinar, que camentando yá’l final de la so vida, y recordando la guapa costa de Xixón, la ballena quixere venir a finar equí los sos díes?
Con esta romántica idea, la Banda de Gaites Villa de Xixón, cola collaboración de dellos de los meyores músicos y músiques del país, idearon esti repertoriu qu’agora ve la lluz en forma de discu y d’espectáculu. Los nomes d’estos collaboradores dícenlo too: J.A. Hevia, Marisa Valle Roso, Tuenda, Xosé Ambas, Bagad Plougastell, Vanesa Vez, Cristian Silva...
Un viaxe dende les costes d’agües tresparentes y playes paradisiaques del Caribe con parada en Méxicu, Puertu Ricu, Cuba, Miami… y dexando atrás la calor, camín del norte hasta les fríes y revueltes agües de Terranova, pasando pela solombra de los yá entós altísimos edificios de Nueva York, pa cruciar darréu l’anchu, fríu y fondu Atlánticu camín d’Europa, pasando per Escocia, Cornualles, Bretaña y a la fin, llegando a la so despidida xunto a la sablera de San Llorienzo en Xixón, onde esta ballena foi quien a convertise nuna celebridá de la villa.
Esti discu axunta al cancioneru asturianu les influyencies d’esti viaxe pel Atlánticu, colos ritmos qu’al so pasu pelos puertos marineros foi sintiendo la nuesa ballena enantes de llegar al so destín final. Un viaxe musical qu’arriquez la nuesa música más enrraigonada na tradición y xuega a la mestura de ritmos con otres cultures mui estremaes a la nuesa, anque compartamos mar y una llarga hestoria de rellaciones comerciales y culturales, xenerando un trabayu final esquisitu y de gran calidá.
Anímote a somorguiate nes agües del Atlánticu cola Banda de Gaites Villa de Xixón y a esfrutar del bañu de música que t’ufren en compañía de la nuesa querida y recordada ballena, que quixo venir a Xixón a acabar los sos díes. Toi seguru que va prestate esti viaxe y que los temes d’esti discu van caltriar en ti y van grabase na to memoria, como sigue na memoria de los y les xixoneses más d’un sieglu dempués, la llegada d’aquella ballena.
Inaciu Galán y González
Teatro Jovellanos
Dirección Estamos también en C/ Cabrales, 82 - 33201 Gijón (Asturias)
Teléfono 985 182 929
Fax 985 182 939
Correo electrónico info@teatrojovellanos.com
Horario (Oficina)Lunes a Viernes: 9:30-14:30h. y 17:30-20:30h. Taquilla: 12:00-14:00h. y 17:30-20:30h.
Localización

Descripción

Autor: El arquitecto fue Mariano Marín Magallón y en 1939 acometió las obras de restauración José Mª Mendoza y Ussía.

Fecha: 1899.
 
Junto a las viviendas que lo rodean, se enmarca en un estilo ecléctico-historicista. Se distinguen dos partes en la composición: una arcada de pilastras decoradas con trofeos alegóricos que se extienden por toda la superficie hasta la altura de los cuerpos laterales, y un piso superior a modo, de remate, en el que se abre una galería que soporta una amplia cornisa moldurada. El proyecto original fue bastante reformado en la restauración de 1939. Asimismo, en la década de los 90 se llevó a cabo obras de restauración que permitieron recuperar el Teatro para la ciudad.