Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Llaboral Ciudá de la Cultura, ún de los 10 meyores espacios hestóricos d’España pa eventos

Votos

(Total de votos recibidos 0)

(Puntuación 0)

laboral congresos
Turespaña reconoz la singularidá del equipamientu xixonés ya inclúilu nel so cartafueyu de promoción internacional d’España como destín d’eventos.
Llaboral Ciudá de la Cultura ye ún de los recintos esbillaos pol Instituto Español de Turismo (Turespaña) pa incluyir nel so cartafueyu de promoción internacional d’España como destín d’eventos. En concreto, l’antigua Universidá Llaboral atópase na estaya d’espacios hestóricos y apaez nuna llista de 10 opciones xunto al edificiu de La Pedrera en Barcelona, el Capricho de Gaudí en Cantabria o el Real Alcázar de Sevilla, ente otros.

El cartafueyu, tituláu “Espacios singulares de reuniones”, esbilla hasta 35 edificios pa la celebración de toa triba d’eventos n’España: edificios hestóricos, museos, espacios que destaquen pola so arquitectura de vanguardia, castillos, centros gastronómicos de sonadía, teatros, paradores o estadios de fútbol.

El cartayueyu de Turespaña ta espublizáu n’inglés y español y tien previsto tornase a otres siete llingües. Pa Llaboral Ciudá de la Cultura ye una oportunidá d’enanchar la so visibilidá ente les axencies d’eventos nacionales ya internacionales y ente los veceros finales.

La versatilidá de Llaboral Ciudá de la Cultura y la so singularidá como edificiu, pola so arquitectura y la so hestoria, faen que, nos últimos años, fora seleicionada sede d’una montonera de conceyos asociativos y eventos corporativos, como’l Congresu Nacional d’Uroloxía, qu’axuntó l’añu pasáu a 1.000 persones. Thyssenkrup escoyóla en dos ocasiones pal llanzamientu mundial de los sos productos; Naviser celebró nella la so convención; Acuña y Fombona celebró’l so 50 aniversariu; Leroy Merlin, MBA y una montonera de llaboratorios contrataron los sos espacios pa eventos formativos.
Palabras clave Turismo, 2019, Congresos