Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Entamar tien premiu

Votos

(Total de votos recibidos 220)

(Puntuación 2,96)

Entamar tien premiu
L'Área de Promoción Económica del Ayuntamientu de Xixón, convoca la so 3ª edición de los Premios a la Iniciativa Empresarial
L'envís de los Premios ye sofitar y esparder el desendolcu de la cultura empresarial, potenciando la creación d'actividaes positives hacia la iniciativa d'entamar, dando reconocencia ya espardiendo'l trabayu de les empreses y empresarios del Ayuntamientu de Xixón. Anguaño hai tres novedaes que tenten d'esparder y facer más fácil la participación de les empreses nos premios: - Ye mayor el premiu na categoría de Meyor Proyeutu Empresarial - Nesta mesma categoría, hai más plazu, pudiendo participar nesta edición los proyeutos empresariales que s'entamaren con posterioridá al pieslle de la edición cabera (31 de marzu de 2006) y que nun participaren na mesma, asina como los que s'entamen nesti 2007 nel municipiu xixonés. Asina, se tenta de nun dexar nengún proyeutu ensin la posibilidá de participar nos premios, porque se piesllaben les convocatories al entamar l'añu. - Adelántase'l plazu de presentación de solicitúes. Les categoríes a les que podrán concursar sedrán: -Meyor trayeutoria empresarial Empreses con domiciliu social y centru de trabayu nel municipiu de Xixón, que se formaren enantes del 31 d'avientu de 2006 -Meyor empresa xoven Empreses con domiciliu social y centru de trabayu nel municipiu de Xixón, que se formaren ente'l 1 de xineru de 1997 ya'l 31 d'avientu de 2006 - Meyor proyeutu empresarial Proyeutos empresariales que s'entamaren con posterioridá al pieslle de l'anterior edición, el 31 de marzu de 2006 y que nun participaren na mesma, asina como los qu'entamen nel añu 2007, nel municipiu de Xixón Los premios sedrán: 1.- Meyor trayeutoria empresarial: troféu y diploma acreitativu 2.- Meyor empresa xoven: troféu y diploma acreitativu 3.- Meyor proyeutu empresarial: 3.1.- Primer premiu: 6.000€ y diploma acreitativu 3.2.- Segundu premiu: 3.000€ y diploma acreitativu 3.3.- Tercer premiu: 3.000€ y diploma acreitativu. Llugar y plazu de presentación: El plazu de presentación de candidatures finará'l 28 de febreru de 2007 inclusive. Éstes podrán presentase, xunto cola documentación afayadiza, a traviés de les Oficines d'Atención al Ciudadanu de Xixón