Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón roza los 100.000 emplegos, cifra cimera na nuesa hestoria

Votos

(Total de votos recibidos 300)

(Puntuación 3,02)

Xixón roza los 100.000 emplegos, cifra cimera na nuesa hestoria
L'emplegu aumentó al rodio d'un 29,81% ente los años 1996 y 2005
El Conceyu de Xixón algamó nel 2005 los 97.055 emplegos, con un aumentu al rodio del 30% dende 1996. Por estayes, el seutor terciariu rexistraba en 2005, 68.154 emplegos, con un crecimientu del 27,79%; el secundariu, con 27.742, un crecimientu del 3,39% ya'l primariu con 1.159, baxó un 55,23%. Nel 2006, los contratos rexistraos algamaron la cifra de 93.394, aumentando un 9,18% ente los años 2004 y 2006, y más ente les muyeres. Arriendes d'esto, en 2006 algamáronse los 9.110 contratos indefiníos, con un crecimientu del 57,75 % nos dos caberos años. No que se refier a les Polítiques llocales d'Emplegu, nos últimos seis años, más de 109.000 persones recibieron información y orientación; 25.142 recibieron formación; 40.246 empreses se beneficiaron de dalgún sofitu económicu y se contribuyó a la creación de 26.469 emplegos direutos e inducíos. Estes cifres acompáñense coles del descensu del paru, que nel mesmu periodu algamó en Xixón el 8,13 frente al 6,77 d'Asturies, gracies en gran midida a les propuestes consensuaes pol Ayuntamientu con sindicatos y empresarios, dientro'l Pautu xixón Entama.